Name

Khalid Mussa Nsekela

Sex

Male

Party

CCM

Constituent

Kyerwa

Primary Question

MHE. KHALID M. NSEKELA aliuliza: - Je, Serikali ina mkakati gani wa kuboresha pembejeo, huduma za ugani, bei na masoko ya uhakika ya Kimataifa kwa zao la kahawa katika Jimbo la Kyerwa?

Supplementary Question 1

MHE. KHALID M. NSEKELA: Mheshimiwa Mwenyekiti, ahsante kwa nafasi ya kuuliza swali la nyongeza. Ninashukuru kwa majibu mazuri kutoka kwa Naibu Waziri. Kwa kuwa, Wilaya ya Kyerwa inaongoza kwa uzalishaji mkubwa wa zao la kahawa, na ni zao ambalo linaongoza kwa kuingiza fedha za kigeni, je, Serikali haioni kwamba, ni muda muafaka sasa kuifanya Kyerwa iwe sehemu ya kipaumbele na kimkakati kwa ajili ya uzalishaji wa zao hili la kahawa?

Name

David Ernest Silinde

Sex

Male

Party

CCM

Constituent

Tunduma

Answer

NAIBU WAZIRI WA KILIMO: Mheshimiwa Mwenyekiti, ahsante sana. Ninampongeza kaka yangu Khalid Mussa Nsekela, Mbunge wa Kyerwa, kwa swali lake la msingi. Namthibitishia tu kwamba, Kyerwa ni miongoni mwa halmashauri ambazo sisi Wizara ya Kilimo tunaziangalia kwa jicho la karibu. Ndiyo maana utaona katika miaka hii miwili tu ya fedha, tumepeleka miche mingi, na bado tutaongeza, lakini siyo katika halmashauri yake tu, yaani ni katika ule Mkoa mzima wa Kagera. Ni moja ya mikoa ambayo sasa tunafufua kabisa zao la kahawa kwa sababu, ni zao ambalo linatuletea fedha nyingi za kigeni.

Mheshimiwa Mwenyekiti, kwa hiyo, hilo lipo ndani ya mipango, na tunaendelea kutekeleza kwa kuongeza hizo pembejeo, miche pamoja na Maafisa Ugani katika eneo lake. Ahsante sana.