Name

Priscus Jacob Tarimo

Sex

Male

Party

CCM

Constituent

Moshi Mjini

Primary Question

MHE. PRISCUS J. TARIMO aliuliza: - Je, Serikali imefikia wapi katika utekelezaji wa Azimio la Bunge kuhusu ushirikiano kati ya Jeshi la Zimamoto na Uokoaji na Manispaa – Moshi Mjini?

Supplementary Question 1

MHE. PRISCUS J. TARIMO: Mheshimiwa Naibu Spika, ahsante sana. Pamoja na majibu hayo mazuri ya Serikali, nina maswali mawili ya nyongeza.

Mheshimiwa Naibu Spika, swali la kwanza. Kwa kuwa kuna Halmashauri kama Halmashauri ya Manispaa ya Moshi ambayo imepata magari kutoka miji dada ambayo ni marafiki kutoka Ujerumani na kuna Halmashauri ambazo zimenunua magari haya, je, Serikali inaweza ikatoa kauli sasa kwamba umiliki wa magari haya uwe kwenye jina la Halmashauri husika?

Mheshimiwa Naibu Spika, swali la pili. Kwa kuwa Azimio lilipita mwezi wa Sita mwaka 2024 na bado kama siku kumi hivi tufikishe mwaka, Mheshimiwa Waziri anaweza kututhibitishia kwamba sasa wataharakisha kukutana na Wizara zile nyingine zote ili Azimio hili liweze kusonga mbele? (Makofi)

Name

Daniel Baran Sillo

Sex

Male

Party

CCM

Constituent

Babati Vijijini

Answer

NAIBU WAZIRI WA MAMBO YA NDANI YA NCHI: Mheshimiwa Naibu Spika, pale ambapo Manispaa husika ama halmashauri imenunua gari la zimamoto na uokoaji, umiliki utabaki kwake kwenye Halmashauri husika au Manispaa husika, lakini matengenezo na uendeshaji utasimamiwa na Jeshi la Zimamoto na Uokoaji kwa sababu ndiyo wenye wataalam.

Mheshimiwa Naibu Spika, swali la pili kuhusu Azimio, Serikali imekuwa ikiheshimu sana Maazimio ya Bunge na imekuwa ikiyatekeleza. Ninamhakikishia Mheshimiwa Mbunge, hata Azimio hili pia Serikali itajipanga, itakaa kuhakikisha kwamba Azimio hili linatekelezwa kwa ajili ya Manispaa ya Moshi na maeneo mengine hapa nchini. Ahsante sana. (Makofi)

Name

Flatei Gregory Massay

Sex

Male

Party

CCM

Constituent

Mbulu Vijijini

Primary Question

MHE. PRISCUS J. TARIMO aliuliza: - Je, Serikali imefikia wapi katika utekelezaji wa Azimio la Bunge kuhusu ushirikiano kati ya Jeshi la Zimamoto na Uokoaji na Manispaa – Moshi Mjini?

Supplementary Question 2

MHE. FLATEI G. MASSAY: Mheshimiwa Naibu Spika, ahsante. Katika Mkoa wa Manyara ambako Mheshimiwa Naibu Waziri anatoka kuna magari machache sana ya Zimamoto hasa maeneo ya Mbulu Vijijini, Mjini na hata Hanang, kuna tatizo, kukitokea kitu kinachoitwa ajali ya moto tunashindwa kupata hayo magari. Je, ni nini mpango wa Serikali katika kuyaokoa maeneo haya kwa kuletewa magari ya zimamoto?

Name

Daniel Baran Sillo

Sex

Male

Party

CCM

Constituent

Babati Vijijini

Answer

NAIBU WAZIRI WA MAMBO YA NDANI YA NCHI: Mheshimiwa Naibu Spika, Serikali tayari imeshanunua magari ya Zimamoto na Uokoaji kama tulivyoeleza mara nyingi hata kwenye hotuba yetu jana kwamba, magari 150 yameshanunuliwa na yatawasili nchini kwa awamu.

Mheshimiwa Naibu Spika, tayari awamu ya kwanza imeshaingia mwezi huu wa Tano; na yatakapoingia, kila Wilaya hapa nchini ikiwemo Wilaya ya Mbulu na Wilaya ya Hanang’ kama alivyotaja Mheshimiwa Mbunge pia zitapata magari ya Zimamoto na Uokoaji kwa ajili ya shughuli za uokoaji. Ahsante sana. (Makofi)