Name

Kiza Hussein Mayeye

Sex

Female

Party

CUF

Constituent

Special Seats

Primary Question

MHE. DEVOTA M. MINJA K.n.y. MHE. KIZA H. MAYEYE aliuliza: -

Je, Serikali imechukua hatua gani za kuchochea viwanda vya kuongeza thamani ya zao la chikichi ili kupunguza uagizaji wa mafuta ya kula nje ya nchi?

Name

David Ernest Silinde

Sex

Male

Party

CCM

Constituent

Tunduma

Answer

NAIBU WAZIRI WA KILIMO alijibu: -

Mheshimiwa Mwenyekiti, kwa niaba ya Waziri wa Kilimo ninapenda kujibu swali la Mheshimiwa Kiza Hussein Mayeye, Mbunge wa Jimbo la Kigoma Kaskazini, kama ifuatavyo: -

Mheshimiwa Mwenyekiti, katika kukabiliana na upungufu wa mafuta ya kula nchini, Serikali kwa kushirikiana na Sekta Binafsi imeendelea kuchukua hatua mbalimbali ikiwemo kuhamasisha kuongezeka kwa uzalishaji wa mazao ya mafuta, hususani zao la chikichi. Katika kutekeleza hilo, uzalishaji wa chikichi umeongezeka kutoka tani 51,834.42 mwaka wa fedha 2023/2024 hadi tani 74,302.65 mwaka wa fedha 2024/2025. Lengo ni kuhakikisha upatikanaji wa malighafi za viwanda vya kuongeza thamani ya zao la chikichi.

Mheshimiwa Mwenyekiti, vilevile Serikali kwa kushirikiana na Sekta Binafsi katika mwaka wa fedha 2026/2027 itazalisha na kusambaza miche ya chikichi 2,000,000 katika maeneo ya uzalishaji na kuendelea kuwezesha uchakataji wa zao la chikichi kwa kutoa mashine 18 za kuongeza thamani zao la chikichi kwenye vyama 18 vya wakulima wa zao hilo. Aidha, Serikali itaendelea kuhamasisha kuongezeka kwa uzalishaji wa zao la chikichi kwa kuanzisha mashamba makubwa ya pamoja yenye ukubwa wa hekta 48,000 kwa ajili ya zao la chikichi katika Mikoa ya Kigoma na Morogoro.